Ընտրությունների շուրջ նորություններ

ՀՀ Կենտրոնական ընտրական հանձնաժողովը հունիսի 14-ի արտահերթ նիստում ամփոփել է ԱԺ հերթական ընտրությունների արդյունքները և ընդունել Ազգային ժողով ընտրվելու և մանդատների բաշխման մասին որոշումը։ Մանդատները բաշխվել են հետևյալ համամասնությամբ՝

• «Քաղաքացիական պայմանագիր» կուսակցություն՝ 64 մանդատ • «Ուժեղ Հայաստան» դաշինք (կազմում՝ «Ուժեղ Հայաստան», «Նոր դարաշրջան», «Միավորված հայեր»)՝ 29 մանդատ • «Հայաստան» կուսակցությունների դաշինք (կազմում՝ ՀՅԴ, «Առաջ» աջակենտրոն կուսակցություն)՝ 12 մանդատ

Ընդամենը՝ 105 մանդատ։

ՀՀ Կենտրոնական ընտրական հանձնաժողովը հունիսի 14-ի արտահերթ նիստում՝ քվեարկության օրվանից հետո 7-րդ օրը, հիմք ընդունելով ընտրական տեղամասերում քվեարկության արդյունքների վերաբերյալ արձանագրությունները, վերահաշվարկի արդյունքները և ընդունած որոշումները, կազմել է արձանագրություն քվեարկության արդյունքների վերաբերյալ։

Ընտրողների ընդհանուր թիվը՝ 2506826։ Քվեարկության մասնակիցների ընդհանուր թիվը՝ 1476769։ Անվավեր քվեաթերթիկների թիվը՝ 16210։ Անճշտությունների գումարային չափը՝ 4331։

Ուժերի ստացած ձայները՝ • «Քաղաքացիական պայմանագիր»՝ 726819 • «Ուժեղ Հայաստան» դաշինք՝ 340006 • «Հայաստան» դաշինք՝ 144983 • «Բարգավաճ Հայաստան»՝ 58287 • «Միասնության թևեր»՝ 33537 • Հայաստանի շնորհապետական՝ 30642 • «Դեմոկրատիա օրենք կարգապահություն»՝ 25758 • «Նոր ուժ» ռեֆորմիստական՝ 25551 • «Բոլորին դեմ եմ»՝ 21181 • «Հանրապետություն»՝ 15808 • «Լուսավոր Հայաստան»՝ 7439 • «Հանուն Հանրապետության պաշտպանների» դաշինք՝ 6754 • «Ազգային ժողովրդավարական բևեռ»՝ 5481 • «Ժողովրդավարական համախմբում»՝ 5269 • Հայ ազգային կոնգրես՝ 3143 • Քրիստոնեա-ժողովրդավարական՝ 2671 • Քոչարի ազգային վերածնունդ և ազգի զարթոնք՝ 1986 • Ռեֆորմիստների կուսակցություն՝ 1425

Կենտրոնական ընտրական հանձնաժողովն ամփոփել է ԸԸՀ-ների իրականացրած վերահաշվարկի արդյունքները։ Վերահաշվարկվել են 637 ընտրական տեղամասերի քվեարկության արդյունքները։

• «Քաղաքացիական պայմանագիր» կուսակցություն՝ 727820 → 728968 (+1148) • «Ուժեղ Հայաստան» դաշինք՝ 340088 → 340596 (+508) • «Հայաստան» կուսակցությունների դաշինք՝ 145113 → 145330 (+217) • «Բարգավաճ Հայաստան» կուսակցություն՝ 58378 → 58525 (+147) • «Միասնության թևեր» կուսակցություն՝ 33644 → 33588 (−56) • Հայաստանի շնորհապետական կուսակցություն՝ 30807 → 30690 (−117) • «Դեմոկրատիա օրենք կարգապահություն» կուսակցություն՝ 26567 → 25748 (−819) • «Նոր ուժ» ռեֆորմիստական կուսակցություն՝ 25624 → 25603 (−21) • «Բոլորին դեմ եմ» ժողովրդավարական կուսակցություն՝ 21477 → 21233 (−244) • «Հանրապետություն» կուսակցություն՝ 15835 → 15843 (+8) • «Լուսավոր Հայաստան» կուսակցություն՝ 7258 → 7313 (+55) • «Հանուն Հանրապետության պաշտպանների» դաշինք՝ 6750 → 6768 (+18) • «Ազգային ժողովրդավարական բևեռ» համահայկական կուսակցություն՝ 5485 → 5490 (+5) • «Ժողովրդավարական համախմբում» կուսակցություն՝ 5284 → 5270 (−14) • Հայ ազգային կոնգրես կուսակցություն՝ 3206 → 3159 (−47) • Քրիստոնեա-ժողովրդավարական կուսակցություն՝ 2679 (անփոփոխ) • Քոչարի ազգային վերածնունդ և ազգի զարթոնք կուսակցություն՝ 1984 → 1985 (+1) • Ռեֆորմիստների կուսակցություն՝ 1456 → 1445 (−11)

Անճշտությունների գումարային չափն ավելացել է 230-ով (1279 → 1509)։ Անվավեր քվեաթերթիկների թիվը նվազել է 859-ով (17097 → 16238)։

Թիվ 12 Ընտրատարածքային ընտրական հանձնաժողովն անվավեր է ճանաչել իր սպասարկման տարածքում գտնվող 12/13 ընտրական տեղամասի քվեարկության արդյունքները։ Այս տեղամասում քվեարկության օրը բացակայել է 8 համարի քվեաթերթիկը։ Թիվ 12/13 տեղամասի քվեարկության մասնակիցների թիվը՝ 809, որոշման համաձայն արձանագրվել է որպես անճշտությունների գումարային չափ։

Ընտրական տեղամասի արձանագրության մյուս արդյունքները, բացառությամբ անճշտությունների չափի, ըստ որոշման արձանագրվել են զրո։ Ընտրական տեղամասի նյութերն ուղարկվել են դատախազություն։

ՀՀ Կենտրոնական ընտրական հանձնաժողովը հունիսի 11-ի արտահերթ նիստում անդրադարձել է թիվ 10 և թիվ 35 ընտրատարածքային ընտրական հանձնաժողովների՝ քվեարկության օրը տեղամասային հանձնաժողովների գրանցամատյաններում արձանագրված խախտումների վերաբերյալ N 8-Ա և N 10-Ա որոշումներին։

Հանձնաժողովն անվավեր է ճանաչել թիվ 10 ընտրատարածքում կազմավորված թիվ 10/51 և թիվ 35 ընտրատարածքում կազմավորված թիվ 35/65 ընտրական տեղամասերում քվեարկության արդյունքները։

Հանձնաժողովը որոշել է թիվ 10/51 տեղամասում քվեարկության մասնակիցների թիվը՝ 1287, և թիվ 35/65 տեղամասում՝ 1315, արձանագրել որպես այդ տեղամասերի անճշտությունների գումարային չափ։ Տեղամասերի արձանագրությունների մյուս բոլոր արդյունքները (թվերը), բացառությամբ անճշտությունների չափերի, արձանագրվել են 0 (զրո)։

Թիվ 10/51 և թիվ 35/65 ընտրական տեղամասերի նյութերն ուղարկվել են դատախազություն։

Հարցումների բաժնում և միջինացված կանխատեսման մեջ ավելացվել է «GALLUP International Association»-ի հայաստանյան անդամ MPG-ի «ԹարսԿապույտ» նախընտրական հարցումը, որի դաշտային աշխատանքներն իրականացվել են հունիսի 2–3-ին (CATI, ընտրանք՝ 1104, սխալի սահման՝ ±3%, պատվիրատու՝ Արամ Նավասարդյան)։ Արդյունքները ներկայացվել են հունիսի 5-ի մամլո ասուլիսին (MPG-ի տնօրեն Արամ Նավասարդյան)։

Քաղաքացիական պայմանագիր՝ 32.4%, Ուժեղ Հայաստան՝ 16.4%, Հայաստան դաշինք՝ 15.2%, Բարգավաճ Հայաստան՝ 8.8%, Միասնության թևեր՝ 6.2%։ Աղբյուրը առանձնացրել է ընդդիմադիր չորս ուժերի (Ուժեղ Հայաստան, Հայաստան, Բարգավաճ Հայաստան, Միասնության թևեր) գումարը՝ 46.6%։ Հրաժարվել է պատասխանել՝ 4.2%, դժվարացել է պատասխանել՝ 2.1%։

[Խմբ.] Քաղաքացիական պայմանագրի թիվը հեռուստահաղորդման գծապատկերում ծածկված էր լոգոյով և հաստատվել է առանձին։

Հարցումների բաժնում և միջինացված կանխատեսման մեջ ավելացվել են նախընտրական երկու նոր հարցումներ, երկուսի հարցումների ավարտի ժամկետն էլ մայիսի 31-ն է։

• EVN Report / ArmES, 4-րդ փուլ (մայիսի 4–31, ընդհանուր ընտրանք՝ 1157, քվեարկության մտադրության հարցին պատասխանել է 1095 հարցվող, սխալի սահման՝ ±2.9%)։ Քաղաքացիական պայմանագիր՝ 36.3%, Ուժեղ Հայաստան՝ 12.2%, Հայաստան դաշինք՝ 4.8%, Բարգավաճ Հայաստան՝ 3.1%։ Հրաժարվել է պատասխանել՝ 26.2%, չի կողմնորոշվել՝ 10.6%։

• ՀՌԿԿ-Հայաստան՝ «Հունիսյան սոցիումը» (մայիսի 29–31, CATI, ընտրանք՝ 1200, սխալի սահման՝ ±2.8%)։ Հրապարակվում է երկու ընտրանք՝ բոլոր մասնակիցները (1200) և քվեարկելու մտադրություն ունեցողները (1074)։ Քվեարկելու մտադրություն ունեցողների շրջանում՝ Քաղաքացիական պայմանագիր՝ 24.2%, Ուժեղ Հայաստան՝ 5.3%, Հայաստան դաշինք՝ 2.3%։ Հրաժարվել է պատասխանել՝ 42.7%, չի կողմնորոշվել՝ 19.2%։

Կենտրոնական ընտրական հանձնաժողովը մայիսի 25-ին ստացել է «ԱԼՅԱՆՍ» առաջադիմական ցենտրիստական կուսակցության վարչության որոշումն առ այն, որ ինքնաբացարկ են հայտնում ԱԺ հերթական ընտրություններին մասնակցությունից։ Վարչության նիստի որոշումը ստորագրված է եղել վարչության անդամների կողմից։ ԿԸՀ մայիսի 26-ի արտահերթ նիստին ներկա են եղել նաև «ԱԼՅԱՆՍ» առաջադիմական ցենտրիստական կուսակցության լիազոր ներկայացուցիչները, որոնք հաստատել են, որ իրենց քաղաքական ուժի մշտապես գործող մարմինը նման որոշում է կայացրել։

ԿԸՀ-ն կորցրած է ճանաչել «ԱԼՅԱՆՍ» առաջադիմական ցենտրիստական կուսակցության գրանցումը։ Ըստ այդմ, 2026 թվականի հունիսի 7-ի ՀՀ ԱԺ հերթական ընտրություններին 13 համարի քվեաթերթիկ չի լինի։

ՀՀ Կենտրոնական ընտրական հանձնաժողովը մայիսի 22-ի արտահերթ նիստում ուժը կորցրած է ճանաչել պատգամավորի 7 թեկնածուի գրանցումը։ Ինքնաբացարկի դիմումներ են ներկայացրել «ԲՈԼՈՐԻՆ ԴԵՄ ԵՄ» ԺՈՂՈՎՐԴԱՎԱՐԱԿԱՆ ԿՈՒՍԱԿՑՈՒԹՅԱՆ ընտրական ցուցակներում ընդգրկված 7 թեկնածուներ։ Ինքնաբացարկի դիմումները նոտարական վավերացմամբ են եղել։

«Հայաստանի Հանրապետության ընտրական օրենսգիրք» սահմանադրական օրենքի համաձայն՝ պատգամավորի թեկնածուները քվեարկության օրվանից ոչ ուշ, քան 10 օր առաջ՝ մինչև ժամը 18.00-ն (մայիսի 28), կարող են ինքնաբացարկի դիմում ներկայացնել։ Այս ժամկետը վերաբերելի է նաև ընտրությունների մասնակից կուսակցությունների/դաշինքների՝ ինքնաբացարկ ներկայացնելուն։

Ինքնաբացարկ ներկայացրած թեկնածուներն են՝ Խալաթյան Արփի Հակոբի (#15), Ղազարյան Տիգրան Սերյոժայի (#39), Ղազարյան Պարույր Տիգրանի (#42), Ղազարյան Սոնա Տիգրանի (#47), Գրիգորյան Լուսինե Քերոբի (#55), Ղազարյան Նաիրա Անդրեյի (#83), Բաղդասարյան Գեվորգ Մանվելի (#87)։

[Խմբ.] Քայլը ծրագրված է կուսակցության կողմից. «Բոլորին դեմ եմ»-ն այսօր տարածած հայտարարությամբ նշում է, որ նախընտրական ծրագիրն էր հաջողության դեպքում կազմել 100-օրյա կառավարություն, իրականացնել խոստացված երեք փոփոխությունները և կազմակերպել արտահերթ ընտրություններ. այդ ծրագիրն իրականացնելու անհնարինության պարագայում կուսակցությունը հայտարարել է, որ իրենց դեմ քվեարկած ընտրողների ձայներով հինգ տարի ընդդիմադիր պատգամավոր աշխատելու փոխարեն վայր են դնելու իրենց մանդատները։ Քանի որ մանդատների զանգվածային վայր դնելը երկարատև իրավական ընթացակարգ է, կուսակցությունը որոշել է դա երաշխավորել նախօրոք՝ ցուցակը կրճատելով մինչև 25 թեկնածու, որպեսզի անհրաժեշտության դեպքում կարողանա ինչպես իրականացնել նախատեսված փոփոխությունները, այնպես էլ խոստացված ժամկետներում առանց ձգձգումների մանդատները վայր դնելու ծրագիրը։